وعدت نفسي اني راح أوقف أدور صديق وفي حقيقي أعتمد عليه بدون خوف .. لكني أخلفت
حبيت أعطي نفسي فرررصة أخيرة ,, هالمرة مع ( ندى )
أحلى شي اننا صريحات مع بعض .. تشبهني وفي نفس الوقت نختلف كثير
ما ادري اذا راح نتوفق او لا .. يمكن انا تسرعت ,, لكن فعلا كنت محتاجة اقنع نفسي ان لي اخت جنبي راح تمسكني قبل أطيح .
لما كنت بالمتوسط ما كنت اثق بأحد ...كنت مرتاحة أكثر من الحين
لكن غيروني ,, علموني شلون أثق فيهم وتركوني
بطريقة أو بأخرى افترقنا ...
أنا الحين ثقتي بنفسي عالية ,, وثقتي باللي حولي بعد
بس تحطمت كثير ,, زعلت وانجرحت وتعبت
( هذيك البنت ) ....... الحين احنا أصحاب لكن مو قريبين من بعض
مدري مين فينا مو قادر يثق بالثاني .
دايما المشاكل التافهة توريك انت ايش تعني للي قدامك ,, لو كان شاريك راح يرجع لك احسن من أول
أما اذا كان وجودك وعدمك واحد ,,, فـــ الله يخلف عليك "
أنا الحين بالنسبة لها احس ان وجودي وعدمه واحد ,, لكن ما زلت فاتحة لها مجال
راح أكون بنفس المكان دايما .. راح أنتظرها
لأن اذا انا فقدت الأمل برجوعها ... عارفة نفسي ما راح أقبلها بعدين اذا فكرت ترجع .
عندي قدرة أتخلى عن الشي حتى لو كنت متعلقة فيه بقوووة ,, اخاف من هالصفة لكنها كمان نعمة
( هذيك الأخت ) كانت نقطة تحول في حياتي ... من بد كل أصحابي المقربين
كانت أكثر وحدة وثقت فيها وبعدها دايركت ( ..... ) ,, بس بعد المشكلة التافهة اللي صارت ,,
والاحتكاكات والتجريح اللي صار بعدها بيننا ... انجرحت كثير منها
وأكثر جملة جرحتني ( مشكلتك انتي واحساسك عااد ) ... ما توقعت ان احساسي شي ما تهتم فيه
... امممم سهل بالنسبة لي أكون صداقات مع الناس ,, لكن صعب عليهم يتحملوني بعد فترة
لأني لما أقرب أصحابي مني وأعتبرهم أعز المخلوقات في الوجود لي ... أكون دقيقة جدا في أشياء مثل :
سؤالهم عني .. ردهم ع رسايلي أو عدم ردهم .. طريقتهم في الكلام معي .. احساسي لما أكون معاهم
أكون من أول الاشخاص اللي يعرفون مستجدات حياتهم أو ما أكون , وغيرها .
أصير حساسة كثير وعلى قد محبتي لهالشخص تزيد حساسيتي منه .
عموما .. أتمنى لهم التوفيق مع الأشخاص اللي حولهم ,, مافي قلبي شي عليهم
بس مجروحة شوي .
